kontèks difisil Ayiti twouve l jounen jodi a bay okazyon pou tout bon patriyòt, tout pitit peyi a ki konsyan sou reyalite peyi a poze tèt yo ti kesyon sa yo:
KISA N AP FÈ AK PEYI A?
1- Èske n ap kite l jan l ye a?
2- Èske n ap kite sa vin pi mal?
3- Èske n ap angaje nou pou n chanje l ansanm, pou n
transfòme l an yon peyi vivab kote tout moun dwe viv tankou moun?
Preyokipasyon sa yo rezime nan 3 senaryo suivan
jan moun wè peyi a:
1- PITO NOU LÈD NOU LA
Gen yon kategori moun ki kwè Ayiti p ap janm chanje
(senaryo pesimis).
2- BONDYE BON
Gen yon lòt gwoup ki kwè olye pou sa ta chanje,
l ap vini pi mal chak jou (senaryo fatalite).
3- FÒK SA CHANJE
Gen yon lòt kategori ki kwè peyi a pa ka rete nan
sitiyasyon li ye la (senaryo optimis)
Objektif fondamantal vizyon pwojè sosyete AYITI TRANSFÒME-ORIZON 2054
Transfòme Ayiti, diran 30 lane k ap vini yo, an yon peyi
ki demokratik tout bon vre, ki gen estabilite, solidarite,
pwosperite ak konpetitivite.
Objektif espesifik
• Rebay jèn yo lespwa ak konfyans nan peyi a
• Kreye opòtinite pou tout ayisyen kwè yo kapab reyalize
rèv yo nan peyi a
• Elimine ensekirite alimantè nan peyi a sou yon kout dire
• Fè Ayiti vi n yon Ekonomi entèmedyè jouk li soti nan zafè
povrete ekstrèm lan
